Með auknu aðgengi að gögnum opnast tækifæri fyrir almenning að skilja betur samfélagið, umhverfi og aðstæður. Þessi gríðarstóra auðlind er samt ekki á færi allra því það krefst ákveðinnar færni til að skilja gögn. Við þurfum að þjálfa þetta gagnalæsi í skólum og undirbúa nemendur þannig að þau hafi möguleika á að skilja betur það sem hefur áhrif á líf þeirra í framtíðinni.
Eitt af markmiðum Upplýsingastefnu Reykjavíkurborgar 2015-2020 er að opna gögn borgarinnar svo hægt sé að vinna úr þeim, setja þau fram með nýjum hætti og auka verðmæti. Menntastefnan getur tekið á gagnalæsinu sem þarf til þess að ná fram þessu markmiði í upplýsingastefnunni. Upplýsingastefna Reykjavíkurborgar: http://reykjavik.is/upplysingastefna-reykjavikurborgar-2015-2020
Líklegt er að í framtíðinni verði gagnalæsi enn mikilvægara en það er í dag. Sífellt meira af upplýsingum sem skipta okkur máli munu verða aðgengilegar og þeir sem kunna að vinna úr þeim munu hafa forskot. Vonandi verður Ísland framarlega í þeim efnum.
This content is created by the open source Your Priorities citizen engagement platform designed by the non profit Citizens Foundation