Hvað viltu láta gera? Setja upp moltutunnur á fjölmörgum stöðum í hverfinu t.d. leikvöllum, grenndargáma, í hverfiskjörnum, við allt húsnæði Reykjavíkurborgar og á fleiri stöðum. Starfsfólk Reykjavíkurborgar myndu síðan sjá um umhirðu og tæmingu líkt og núna er með ruslatunnur og annað. Hvers vegna viltu láta gera það? Vitundarvakning og hjálpar borgarbúum í fyrstu skrefum í átt að moltugerð. Ýtir fólki síðan út í að gera þetta sjálft
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021. Það er áformað hjá borginni að fara safna lífrænum úrgangi sérstaklega og er það verkefni í farvegi annars staðar í borgarkerfinu á tilraunastigi. Því er ekki hægt að kjósa um hugmyndina að svo stöddu. Einnig felur hugmyndin í sér verulegan rekstrarkostnað og fellur því ekki að reglum verkefnisins Hverfið mitt. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd.
Moltutunnur um allt hverfið myndi minnka mjög mikið það sem fer í tunnurnar. Ég bý ein og fylli eina ruslafötu á mánuði. Lífrænt fer í mína garðmoltutunnu, plasti, sem er fyrirferðarmesta ruslið, fer í plastgám, pappír í bláu tunnuna og þá er svona lítið eftir fyrir gráu tunnuna!
Þetta er löngu tímabært verkefni. Ég vissi ekki af þessari tillögu og lagði því fram aðra sömu gerðar: https://hverfidmitt-2020-2021.betrireykjavik.is/post/39115?fbclid=IwAR2wOtTZOLTGuMzVQ2MbcMPW4WJ8mhUJ-XFTOKUvnwzg_yCFGEU7yTCcHsk
This content is created by the open source Your Priorities citizen engagement platform designed by the non profit Citizens Foundation