Hvað viltu láta gera? Bæta við hjólastígum og ljósastýringum fyrir hjólandi og rafhlaupahjólandi í kringum kjarnastaði Breiðholts í Mjódd, Hólagarði, ofl. þar sem mismunandi umferðarmátar þurfa í æ meira mæli að taka tillit til hvorra annarra. Hvers vegna viltu láta gera það? Umferð er að aukast, umferð er þyngri í slæmu færi og fjölbreyttir samgöngumátar með innlöndum orkugjöfum eru að ryðja sér til rýms sem margir kjósa fram yfir einkabílinn. Mikil uppbygging hefur verið á vegum Reykjavíkurborgar í þessum málum en það vantar að klára samtengd leiðarkerfi. Þetta mjög mikilvægt þar sem mikið er um brekkur og erfiða ferð á þessum stað sem getum gert erfitt fyrir fólki og skapað pirring í garð nágrannans.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021 þar sem hún flokkast sem viðhalds- eða öryggisverkefni. Hugmyndinni verður komið áfram sem ábendingu til viðkomandi sviðs innan borgarinnar. Viðhalds- og öryggisverkefni eru ekki lengur hluti af lýðræðisverkefninu Hverfið mitt. Réttur farvegur fyrir slíkar hugmyndir eru á vefnum: https://abendingar.reykjavik.is/. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation